Umsóknareyðublöð (MAST)

Nýtt er að yfirleitt þarf eingöngu seljandinn að vera með leyfi ef um leyfisskylda flutninga er að ræða, en ekki kaupandinn (en kaupandinn þarf að fullvissa sig um að seljandinn sé með gilt söluleyfi). Örfáar undantekningar eru frá þessari reglu – sjá neðar. Og ítarlegar upplýsingar í kringum flutning sauðfjár finnast hér.

Hvernig sækirðu um? (Staða: 22.6.2026)

• farðu inn í þjónustugátt MAST -> umsóknir
• skráðu þig inn
• þá birtist listi yfir ýmis umsóknareyðublöð – veldu „02 Dýrahald“
• til að sækja um söluleyfi, notar þú eyðublaðið
  • 2.11 ef þú ert á líflambasölusvæði
  • 2.60 ef þú ert á „ósýktu svæði“ (þar sem riða hefur komið upp fyrir meira en 7 árum eða aldrei)
  • 2.55 ef þú ert á riðubæ
  • 2.46 ef þú ert á áhættubæ (listi yfir áhættubæi finnst hér)
  • 2.54 ef þú ert á „öðrum bæ“ í áhættuhólfi
• til að sækja um kaupaleyfi fyrir fé úr líflambasölusvæði sem er af sérstökum stofni, en án græns flaggs, sendir þú tölvupóst á mast [hjá] mast [punktur] is – viðfangsefni: „Fjárflutningur/sérstakur stofn“ eða eitthvað sambærilegt og rökstyður fyrirhuguðu kaupin
• til að sækja um kaupaleyfi fyrir R171/R171-líflömb á milli líflambasölusvæða, sendir þú tölvupóst á mast [hjá] mast [punktur] is – viðfangsefni: „Líflambaflutningur á milli líflambasölusvæða“ eða eitthvað sambærilegt
• til að sækja um flutning fjár með R171/x á afrétt eða sameiginleg beitilönd (þarf eingöngu ef þú ert á ríðubæ), notar þú eyðublaðið 2.56
• til að sækja um kaupaleyfi (undanþágu) til að flytja fé á milli áhættuhólfa, sendir þú tölvupóst með góðan rökstuðning á mast [hjá] mast [punktur] is – viðfangsefni: „Fjárflutningur á milli áhættuhólfa“ eða eitthvað sambærilegt
• til að sækja um sameiningu hjarða innan áhættuhólfs (t.d. ef annar aðilinn verður maki hins og flytur ásamt hjörðinni sinni til hans; eða ef bóndi hættir búskap og annar bóndi kaupir fjárstofninn hans; o.fl.) þarf arfgerð allra gripa hjarðarinnar, sem stendur til að flytja, að vera þekkt – svo er notað eyðublað 2.26
• til að flytja hey/hálm/þökur á milli bæja innan áhættuhólfs, sækir þú um með eyðublaði 2.48; við afgreiðslu þessara umsókna er skoðuð staða viðkomandi búa hvað varðar riðuveiki, hvenær túnin voru síðast beitt eða borið á þau sauðatað, hvort þau eru girt fjárheldum girðingum o.s.frv.

Umsóknarfrestur til að sækja um söluleyfi er til og með 1. júlí hvert ár. MAST samþykkir eða hafnar umsókninni fyrir 15. september. Söluleyfið er ekki tímabundið, en seljandinn þarf að uppfylla eftirfarandi skilyrði:

• Eðlilegur fjöldi fullorðins fjár skal hafa verið sendur úr hjörðinni í sláturhús eða hausum skilað inn til sýnatöku vegna riðuveiki undanfarin sjö ár.
• Skráningar í hjarðbók (Fjárvís/Heiðrún) séu og hafi verið fullnægjandi í sjö undangengin ár er varðar eftirfarandi þætti:
  • merkingar fjárins,
  • flutninga fjár til og frá bænum,
  • sjúkdóma og lyfjanotkun.
• Engin útistandandi alvarleg frávik séu skráð í eftirlitskerfi hjá MAST.