Enn meira ótengt T137: á Vogum 3!
Greinin í Bændablaðinu vakti athygli: Ekki bara að RÚV hafði samband og tók útvarpsviðtal, heldur einnig las Solveig Erla Hinríksdóttir á Vogum 3 greinina og gerði sér í fyrsta sinn grein fyrir því að T137 væri eitthvað merkilegt – í kjölfarið uppgötvaði hún að hún væri einnig með T137-mæðgur sem eru ekki tengdar „hefðbundnum“ T137-uppsprettum! Það er mjög áhugavert, því bærinn er einnig í Mývatnssveit og stutt frá Grímsstöðum 4 – samt var ekki hægt að finna neinar tengingar á milli T137-gripanna þar, allavega síðustu 30 ár aftur í tímann.
Vonandi spyrst það núna loksins út að T137 er mjög dýrmætur breytileiki og mjög sjaldgæfur – kæru bændur, athugið hvort það leynist kannski líka slík gersemi hjá ykkur sem er ekki hægt að rekja til þekktra uppspretta sem eru sem sagt:
- Bergstaðir/Miðfirði
- Engihlíð/Árskógsströnd
- Grímsstaðir 4/Mývatnssveit
- Möðruvellir/Hörgárdalur
- Reykir/Hjaltadalur
- Stóru-Hámundarstaðir/Árskógsströnd
- Straumur/Hróarstungu
- Sveinsstaðir/Þingi
- Syðri-Hagi/Árskógsströnd
- Vogar 3/Mývatnssveit
Sendið mér bara tölvupóst eða skilaboð á Facebook-messenger, þá getum við skoðað málin betur.
Þeim mun fleiri ótengdar uppsprettur, þeim mun fjölbreytara erfðaefni verður í boði til að byggja upp þolinn fjárstofn mjög hratt!
Hér eru myndir af Mist, f. 2024, Höllu, f. 2023 frá Vogum 3 sem eru nýjustu mæðgur með „ótengt T137“ – og svo af Jóku formóður þeirra, f. 2020, sem er væntanlega einnig með breytileikann og þarf að arfgerðagreina sem fyrst. (Myndir: Sólveig Erla Hinríksdóttir)
